បទពិសោធន៍ការចិញ្ចឹមត្រី-ការផលិតកូនត្រីទីឡាព្យា
បទពិសោធន៍ការចិញ្ចឹមត្រី-ការផលិតកូនត្រីទីឡាព្យា
លោកពូ ភោគ សុខ
ជាកសិករនៅខេត្តស្វាយរៀង និង ជាដៃគូរការងាររបស់អង្គការ CRS
ធ្លាប់បានទទួលជោគជ័យលើការផលិតកូនត្រីទីឡាព្យា តាមរយៈបច្ចេកទេសដូចខាងក្រោម ៖
ការរៀបចំស្រះនិងលែងមេពូជលោកពូបានរៀបចំជីកស្រះដែលមានបណ្តោយ
៣០ ម៉ែត្រ ទទឹង ១០ ម៉ែត្រ ជំរៅ២ម៉ែត្រ ហើយ បាចកំបោរ
ដាក់ជី អោយទឹកមានពណ៌បៃតងខ្ចី (សំបូរចំណីធម្មជាតិ ) ។
ក្រោយពេលឃើញទឹកមានពណ៌ល្អហើយ គាត់បានលែងមេពូជត្រីទីឡាព្យាចំនួន ៦០
ក្បាល ដែលក្នុងមួយក្បាលទំងន់ ៣ ខាំ ។ គាត់ផ្តល់ចំណី
កន្ទក់ ក៏ដូចជាចុងអង្ករ ចក
កាកសំណល់
បន្លែ ។ល។
ការដូសកូនត្រី
ក្រោយពេលលែងមេពូជត្រីចំនួនមួយខែមក
គេអាចឃើញមានកូនត្រីហែលតាមមាត់ច្រាំង ។ ពេលនោះ លោកពូបានដួសកូនត្រីទាំងនោះចេញពីស្រះ ( កូនត្រីកើតបានប្រហែលបួនថ្ងៃ )
ទៅផ្សាំក្នុងហាប៉ា ដោយប្រើថ្នងធ្វើពីក្រឡាសំណាញ់ ។ ការដួសកូនត្រីផ្សាំក្នុងហាប៉ា
ធ្វើឡើងរៀងរាល់អាទិត្យ ជាមធ្យម ហាប៉ាមានបណ្តោយ ២ ម៉ែត្រ
ទទឹង ២ម៉ែត្រ និង ជំរៅមួយម៉ែត្រ ដាក់កូនត្រី ២៤០០ ក្បាល។
ការអោយចំណីត្រី
កូនត្រីដែលនៅក្នុងហាប៉ា
ត្រូវបានអោយចំណីមួយថ្ងៃ២ដង(ព្រឹក ល្ងាច) ។ ចំណីរបស់វាគឺ ៖
សណ្តែកសៀងចំនួនបីខាំស្ងោរកិនលាយពងមាន់ឆ្អិន១គ្រាប់ (យកតែពងក្រហម) ហើយច្របាច់វាអោយម៉ដ្ឋ រួចបាចចូលក្នុងហាប៉ាដែលមានផ្ទៃ ៤ម៉ែត្រការេ ។ គួរជៀសវាងការដាក់ចំណីច្រើនពេក ដែលអាចនាំអោយទឹកស្អុយ ។
សណ្តែកសៀងចំនួនបីខាំស្ងោរកិនលាយពងមាន់ឆ្អិន១គ្រាប់ (យកតែពងក្រហម) ហើយច្របាច់វាអោយម៉ដ្ឋ រួចបាចចូលក្នុងហាប៉ាដែលមានផ្ទៃ ៤ម៉ែត្រការេ ។ គួរជៀសវាងការដាក់ចំណីច្រើនពេក ដែលអាចនាំអោយទឹកស្អុយ ។
ការប្រមូលផល
ក្រោយពេលផ្សាំក្នុងហាប៉ាបាន
២១ ថ្ងៃ កូនត្រីធំធាត់មានប្រវែងពី ៣ ទៅ ៤ សង់ទីម៉ែត្រ និង អាចដួសលក់បាន ។
ក្នុងមួយរដូវ(ពីរខែកន្លះ) លោកពូផលិតបានកូនត្រី ២១៨០០ ក្បាល រួចលក់បានតំលៃ
៦០ រៀលក្នុងមួយក្បាល ។
សូមបញ្ជាក់ថា
កូនត្រីមានប្រវែងពី ៣ ទៅ ៥ សង់ទីម៉ែត្រ ទើបដាក់ចិញ្ចឹមបានល្អ ។
អត្ថបទដកស្រង់ចេញពីសៀវភៅ ”មេរៀនពីកសិករ”
Comments
Post a Comment